Met de Liedjesaovend alweer achter os, kump de start van ’t nieje vastelaovesseizoen rap doënderbeej. Naeve de bekinde festiviteite die daobeej huure tiédes d’n Elfde van d’n Elfde, wuurt auk weer D’n Opstaeker™ veur ’t iërs te kaup aangebaoje vanaaf 11:11.
Vors Carotius IX aan 't woord
Ós volgende evenemente
Op zaoterdaag 24 jannewari 2026 is ‘t fieës van ’t jaor in Bliërick! Met ’n spectaculair programma wuurt ’t hoeëgtepunt van d’n aovend ’t oetkómme van ’t nieje Trio van Vastelaovesgezelschap “de Wortelepin”. Met optraejes van Beats & Boogies, Minsekinder, The Velvet Roses en ós 4 winnende liedjes. As dit genne FOMO is! Dit wils se toch neet misse!
Kaarte koste € 37,50 p.p. en zien vanaaf noow online verkriegbaar.
Zaal aope: 19.00 oor
Aanvang programma: 19.30 oor
Aovendkleiding verplich
Daags nao ‘t Swaree op zóndaag 25 jannewari 2026 vind in ’t Raodhoes de ierste zitting plaats. De vrugere Zonnebloemzitting steit al jaore garant veur ’ne geweldige Vastelaovesmiddaag. ’n Aafwisselend programma met dans, buut, meziek en ’n bezeuk van ós hoeëglustig trio.
Kaarte koste € 15 p.p. Binnekort mier informasie euver de kaartverkoup.
Zaal aope: 13.30 oor
Aanvang programma: 14.00 oor
Op woensdaag 28 jannewari 2026 zal ós hoesblaad “de Wortelegaejer” waere geprissenteerd beej Brasserie Ut Hert. D’n ierste Wortelegaejer woort in jannewari 1948 oetgebrach en noow 78 jaor later is de Wortelegaejer nog altied ein van de prónkstökke van ós vereiniging.
Zaal aope: 19.30 oor
Aanvang programma: 20.11 oor
Waer Vrind van de Wortelepin!
In 2025 viert De Wortelepin ‘ne biezóndere mielpaol: ós 77-jäörig bestaon! D’n aaftrap van ós jubileumjaor vindt plaats op d’n 11e van d’n 11e. Dankzij de steun van ós Vrinde hebbe weej de aafgeloupe jaore vuuel moeëje activiteite kinne organisere.
Waorum zien ós Vrinde belangriek:
- Weej kinne vastelaovesactiviteite veur jónk en ald blieve organisere
- Heejmei blieve ós Vastelaovestradities en -cultuur in stand
As bliek van ós waardering krieg elke Vrind ‘n speciaal Vrindespeldje. Dit speldje symboliseert neet allein (financiële) steun, maar ouk de verbóndenheid met ós vereiniging en de Bliërickse Vastelaovend. Dao naeve wuurt de naam van de Vrind vermeld in de Wortelegaejer en op ós website.