Wortelepin Museum
Onder de Wieeën
Aopeningstieje
Vanaaf vriejdaag 3 jannewari 2025 iddere vriejdaag en zaoterdaag.
Vriejdaag van 15 wie 19 oor
zaoterdaags van 12 wies 16 oor.
Bekiek heej ós Jubileum attributen
Óndersteun de Wortelepin met de realisatie van prachtige evenemente veur jónk en alt in ós jubileumjaor 2024 – 2025.
Jubileum Beer 7 x 11
Vastelaovesgezelschap “de Wortelepin” is opgerich op 2 november 1947. De naam stamt oet d’n
tied van de Spaanse euverheersing mier dan veerhónderd jaor geleje. In 1571 stelde Fernando
Álvarez de Toledo, hertog van Alva, d’n Tieënde Penning in. Iddere inwoeëner in Nederland meus
belasting betale door 10% van de veldvruchte die baove de grónd greujde aaf te staon. De slumme
Bliërickenaere ginge wortels verbouwe want die greujde namelik houfzakelik ónder de grónd,
waodoor d’r gen belasting verschöldig waas. Zoeë is de naam Wortelepin óntstaon.
Ter iere van ´t 7 x 11 jäörig jubileum van Vastelaovesgezelschap “de Wortelepin” is speciaal beer
gebrouwe door dreej lokale brouwers.
Vors Carotius Tripel
Dit Tripelbeer is ’n sterk, vorstelijk goldblónd beer met fruitige en
kruujige aroma’s, ‘ne volle smaak en ‘ne druuege, lich bittere afdrónk.
Vors Carotius is ’t boegbeeld van ’t Groeët Gezelschap en de
representative leider van Vastelaovesvereiniging “de Wortelepin”.
Gebrouwe door Blerickse Brouw Compagnie
(www.blericksebrouwcompagnie.nl)
Blonde Truuj
De moute zien van de Belgische mouterij Dingemans en de caramel
moute van de Ingelse Thomas Fawcett. De hoppe zien ’n combi van
Duitse en Amerikaanse hoppe. De Amerikaanse hoppe, zörge veur
fruitigheid en frisheid in de smaak.
Worteletruuj is de beschermvrouw van de Bliërickse Vastelaovend.
Sinds 1960 wuurt jaorliks op Vastelaovesdinsdaag as boetedoening
en aafsloeting van de Vastelaovend de Worteletruuj verbörd.
Gebrouwe door Brouwerij De Klep (www.brouwerijdeklep.nl)
Dreej döbbele viefklap
Heerlik doordrinkbare döbbel met ’n moeëj dónker robijn roeëje
kleur, zaachte tinte van karamel, viege en reziene aansloetend ‘ne
lekkere zeute afdrónk.
Op verzeuk van Vors Carotius bringk de Sirremoniemeister in ’t
Vastelaovesseizoen ‘ne Dreej Döbbele Viefklap oet op de nieje Prins
en Adjudante en de Bliërickse Vastelaovend in ’t algemein.
Gebrouwe door Brouwerij Puuro (www.brouwerijpuuro.nl)
Jubileum Vrind 7 x 11
As Jubileum Vrind óndersteunt geej de Wortelepin met de realisatie van prachtige evenemente veur jónk en alt in ós jubileumjaor 2024 – 2025.
111 Jubileum Vrinde
Aangemeld
Nog beschikbaar
Ós volgende evenemente
Liedjesaovend Zaoterdaag 27 september 2025
De 11 finaliste zulle dan op Zaoterdaag 27 september in ‘n ongetwiefeld oetverkoch Raodhoes te bewóndere zien op de Liedjesaovend. Plaatse zien vreej beschikbaar, gen gereserveerde plaatse! Kaartverkoup start binnenkort.Zaal aope: 19:15Start program: 20:00